O’zbekiston milliy terma jamoasi himoyachisi Husniddin Aliqulov “Rizespor” klubi safida Turkiya chempionati doirasidagi uchrashuvda yuzidan jarohat olib maydonni erta tark etdi.
Klub tomonidan o’tkazilgan tibbiy tekshiruvlar natijasida Aliqulovning burun va yanoq qismlarida sinish holati aniqlanib, futbolchiga jarrohlik amaliyoti qo’llandi.
Ushbu vaziyatdan kelib chiqib, tibbiy shtab tavsiyasi bilan Husniddin Aliqulov terma jamoa yig’inida qatnasha olmaydigan bo’ldi.
Timur Kapadze boshchiligidagi murabbiylar tomonidan milliy jamoa safiga “Nasaf” klubi himoyachisi G’olib G’aybullayev jalb etildi.
