O’rta vazn toifasida o’zbekistonlik MMA jangchisi Mahmud Murodovning navbatdagi raqibi va jang sanasi ma’lum bo’ldi.
Eslatib o’tamiz, hamyurtimiz 8-mart kuni Germaniyaning Shtutgart shahrida tashkil etilgan Octagon 68 turniri doirasida Yasubey Enomotoni ikkinchi raundda nokautga uchratgan edi.
Liga matbuot xizmatining xabariga ko’ra, Murodov endi o’rta vazn toifasidagi vaqtinchalik chempionlik kamari uchun jang qiladi. Unga ushbu yo’lda chexiyalik Patrik Kinsl raqiblik qiladi.
Jang 14-iyun kuni Pragada tashkil etiladigan Octagon 72 turniri doirasida bo’lib o’tadi.
Ma’lumot uchun, 35 yoshli Mahmud Murodov professional MMA’da 36 ta jang o’tkazib, 28 ta g’alaba va 8 ta mag’lubiyat qayd etgan. Patrik hisobida esa 28 ta g’alaba va 11 ta mag’lubiyat mavjud.
