Yarim o’rta vazn toifasida UFC jangchisi Shavkat Rahmonov divizionning sobiq chempioni Kamaru Usman va sobiq davogar Kolbi Kovington so’zlariga izoh berdi.
Avvalroq ikkala jangchi ham UFC 310 turnirida Shavkatga qarshi oktagonga ko’tarilishga tayyor ekanliklari haqida gapirishgan edi.
“Kamaru, Kolbi, men sizlardan eshitganlarim quruq va’dalar! Harakat yo’q. Siz shunchaki OAV va muxlislar uchun o’zingizni ko’rsatyapsiz”, – deb yozdi Rahmonov o’z ijtimoiy tarmoqlarida.
Eslatib o’tamiz, Shavkat Rahmonov UFC 310 musobaqasida divizionning amaldagi chempioni Bilol Muhammadga qarshi jang qilishi kerak edi. Biroq Muhammadning sog’lig’i bilan bog’liq muammolar sabab ushbu jang bekor qilindi.
