Yevropa Ligasi 1/8 final bosqichining dastlabki o’yinida “Roma” o’z maydonida “Atletik”ni 2:1 hisobida mag’lub etdi.
G’alaba golini 90+4-daqiqada hamyurtimiz Eldor Shomurodov kiritdi.
Uchrashuvdan so’ng rimliklar bosh murabbiyi Klaudio Ranyeri o’yin haqida fikr bildirar ekan, Shomurodov haqida ham alohida to’xtalib o’tdi.
“Asosiy g’oya – o’yindan oldin uni qanday o’tkazish bo’yicha ko’proq variantlarga ega bo’lishdan iborat. Siz voqealar rivojining ijobiy va salbiy tomonga og’ishini inobatga olib, maydondagi yigitlarga yordam berishga tayyor bo’lishingiz lozim…
“Atletik” bilan bo’lgan o’yinda Eldor Shomurodov ilk daqiqalardan o’ynaganida balki umuman gol ura olmagan bo’lardi. Balki hamma to’plarni uning o’zi kiritgan bo’lardi. Nima bo’lishini hech kim oldindan aytib bera olmaydi.
Sabr-toqat bilan hamma narsaga erishish mumkin.
Eldor Shomurodov gol urgan vaziyatda hamma offsayd qidirdi. Lekin biz zaxira o’rindig’ida o’tirib, bunday emasligini ko’rib, bilib turgandik”, – deydi Ranyeri.
Eslatib o’tamiz, “Roma” va “Atletik” o’rtasidagi javob o’yini 13-mart kuni bo’lib o’tadi.
