Madridning “Real” klubi sobiq himoyachisi Marselo Krishtianu Ronaldu va Lionel Messi o‘rtasidagi solishtirishlarga o‘z munosabatini bildirdi.
“Biz Krishtianu va Messi bilan bir davrda o‘ynaganimiz uchun juda omadlimiz. Ronaldu o‘zini dunyodagi eng yaxshisi deb hisoblaydi. Shunday vaqtlar bo‘ldiki, Messi ikkita gol ursa, Ronaldu uchta urishi kerak, keyin esa Leo to‘rtta gol urish uchun harakat qilishni boshlar edi. Biz bundan ulkan zavq olar edik.
Ko‘pchilik ularni solishtirishni istaydi, lekin ularning o‘yinidan bahramand bo‘lishni unutib qo‘yishadi. Qaysi futbolchi yaxshiroq? Menimcha, dunyoda eng yaxshi futbolching o‘zi yo‘q”, – deydi braziliyalik sobiq futbolchi.
Eslatib o’tamiz, Marselo 2007-yildan 2022-yilga qadar “Real” safida to‘p tepgan. U “Qirollik klubi” tarkibida besh marta UEFA Chempionlar Ligasi g‘olibiga aylangan.
