Madridning “Real” klubi vingeri Vinisius Junior saudiyaliklar unga qiziqish bildirayotgani haqidagi mish-mishlarga izoh berdi.
Eslatib o’tamiz, avvalroq Saudiya Pro-ligasining nomi oshkor etilmagan klubi 24 yoshli braziliyalik futbolchining transferi uchun 200 million yevrodan ko’proq mablag’ to’lashga tayyorligi haqida xabar berilgandi.
“Saudiyadan qiziqish bormi? Men bu borada juda xotirjamman, chunki amaldagi shartnomam 2027-yilgacha va biz uni uzaytira olamiz deb umid qilaman.
Men eng yaxshi murabbiy, eng yaxshi prezident va eng yaxshi futbolchilar bilan ishlashdan xursandman”, – deydi Vinisius.
Ma’lumot uchun, Vinisius joriy mavsum barcha turnirlarda 35 ta o’yin o’tkazib, 17 ta gol urdi va 12 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
