Portugaliya terma jamoasi va Saudiyaning “An-Nassr” klubi hujumchisi Krishtianu Ronaldu La Liga klubining aksiyadoriga aylanishi mumkin. Bu haqda Arielipillo o’zining YouTube sahifasida ma’lum qildi.
Manbaga ko’ra, Ronaldu Saudiya shahzodasi Salmon bilan birgalikda “Valensiya”ni sotib olishni rejalashtirmoqda.
“Valensiya” hozirda tadbirkor Piter Limga tegishli. Ronaldu uni juda yaxshi biladi. Ular biznes sohasida avval ham yo’llari kesishgan.
Eslatib o’tamiz, Salmon APL’ning “Nyukasl” klubiga ham egalik qiladi. Dastlab o’rtamiyona jamoa bo’lgan “magpiy”lar Saudiya shahzodasi homiyligida Premyer-liganing top-klubiga aylanishdi.
