UEFA “Roma” bosh murabbiyi Klaudio Ranyerini hakamlarni tanqid qilgani uchun jarima tortdi. Bu haqda Football Italia xabar bermoqda.
Ushbu holat “Roma”ning “Portu”ga qarshi Chempionlar Ligasi pley-off bosqichining dastlabki o’yinida (1:1) sodir bo’ldi. Uchrashuvni Tobias Stiler boshchiligidagi hakamlar brigadasi boshqarib bordi.
O’yindan so’ng rimliklar bosh murabbiyi Stiler raqibga “g’alaba keltirishi mumkin edi” degan.
Ranyeri, shuningdek, UEFA hakamlar qo’mitasi rahbari Roberto Rosettini tanqid qilib, Entoni Teylorning 2023-yilgi Yevropa Ligasi finaliga tayinlanganini tilga oldi. O’shanda “Roma” “Sevilya”ga mag’lub bo’lgandi (1:1, pen – 1:4).
Natijada Ranyeri 20 ming yevro jarimaga tortildi. Shuningdek, “Roma”ga ham “jamoaning nomaqbul harakati” uchun qo’shimcha 11 ming yevro jarima belgilandi.
