Madridning “Real” klubi vingeri Vinisius Junior Saudiya Arabistoniga ko’chib o’tishdan qo’rqmoqda. Bu haqda Marca xabar berdi.
Manbaga ko’ra, braziliyalik hujumchi transfer amalga oshgan taqdirda obro’siga putur yetishidan xavotirda. Vini futboldagi yutuqlaridan ko’ra pulni tanlagan futbolchi sifatida ko’rinishni istamaydi.
Ma’lumot uchun, Vinisius joriy mavsum La Ligada 17 ta o’yin o’tkazib, 8 ta gol urdi va 5 ta golli uzatmani amalga oshirdi. Uning madridliklar bilan tuzgan amaldagi shartnomasi 2027-yilning yozida yakuniga yetadi.
