“Manchester Yunayted”ning 32 yoshli yarim himoyachisi Kazemiro faoliyatini “Roma”da davom ettirishi mumkin. Bu haqda Sky Sport Italia xabar bermoqda.
Manbaga ko’ra, mankunianliklar braziliyalik futbolchini joriy mavsum oxirigacha rimliklarga ijaraga berishga tayyor.
Qayd etilishicha, MYU 32 yoshli futbolchining transferini to’liq amalga oshirmoqchi, ammo hozircha “Roma” bilan bunday muzokaralar olib borilmagan.
Ma’lumot uchun, Kazemiro joriy mavsum barcha turnirlarda 22 ta o’yinda maydonga tushib, 3 ta golga mualliflik qildi. Uning Transfermarkt’dagi narxi 12 million yevroga baholanmoqda.
