“Manchester Siti” Chempionlar Ligasi pley-off bosqichining javob o’yinida “Real”ga 3:1 hisobida imkoniyatni boy berdi (dastlabki o’yin 3:2).
Shu tariqa, “shaharliklar” bosh murabbiyi Pep Gvardiola murabbiylik faoliyatida ilk bor YChL’ning 1/8 finalini o’tkazib yuboradi.
Avvalroq “Barselona” va “Bavariya” bilan ishlagan ispaniyalik mutaxassis har doim kamida Chempionlar Ligasining yarim finaliga yetib borgan.
Uning “Man. Siti”dagi eng yomon ko’rsatkichi 2016/2017-yilgi mavsumga to’g’ri keladi. O’shanda “shaharliklar” YChL’ni 1/8 finalda tark etishga majbur bo’lgandi.
Eslatib o’tamiz, Gvardiola murabbiy sifatida uch karra Chempionlar Ligasi g’olibi hisoblanadi. Mutaxassis “Barselona” bilan ikki marta, “Manchester Siti” bilan esa bir marta “shalpangquloq” kubokni boshi uzra baland ko’targan.
