Ikki nafar yosh iste’dod egasi “Real Madrid”ni tark etmoqchi. Bu haqda Transfer News Live xabar bermoqda.
Manbaga ko’ra, yarim himoyachi Arda Guler va hujumchi Endrik o’yin daqiqalari yetishmasligidan xavotirda va o’zlarini bosh murabbiy Karlo Anchelotti rejalariga kiritilmagandek his qilishmoqda.
18 yoshli Endrik fevral oyida “Real”ning faqat bitta o’yinida – Ispaniya Kubogida maydonga tushgandi. Xuddi shunday holat Gulerda ham kuzatildi.
Ma’lumot uchun, Transfermarkt portali Gulerni 45 million yevroga, Endrikni esa 40 million yevroga baholamoqda.
