Yarim og‘ir vazn toifasida o‘zbekistonlik UFC jangchisi Bogdan Guskov nima sababdan janglarga Rossiya va O‘zbekiston bayrog‘ini olib chiqishini tushuntirdi.
“Odamlar ikkita bayroq tufayli salbiy sharhlar yozadimi? Ha, yetarlicha topiladi. Ular meni deyarli sotqinga chiqarib bo‘lishgan: “russan, lekin boshqa bayroq ostida chiqasan”, deyishadi. Men bunday odamlarga hatto javob bermayman. Keling tushuntiraman. O‘zbekiston mening tarixiy vatanim, bu mamlakat menga ko‘p narsa berdi. Rossiyada yashasam ham o‘zbekistonlik emasman, deb ayta olmayman.
Rossiyada men qonun bo‘yicha yashayman, hurmat qilaman va hech qanday qoidalarni buzmayman. Shu yerda mashg‘ulotlarga qatnashaman, oilam bor, tanishlarim ko‘p. Men uchun xotiralarimdan, do‘stlarimdan, bolaligimdan voz kechish xiyonat bo‘lardi. Mening hikoyam shunday bo‘lib chiqdi, lekin men har ikki davlat uchun oxirigacha kurashishga tayyorman”, – deydi Bogdan Guskov.
Ma’lumot uchun, Guskov 1992-yili Dukentda (Toshkent viloyati) tug‘ilgan. 19 yoshida Moskvaga ko‘chib ketgan.
Bogdan UFC’da hozirga qadar 4 ta jang o‘tkazib, 3 ta g‘alaba va 1 ta mag‘lubiyat qayd etdi. U Liga reytingida 13-o‘rinni egallab turibdi.
