Turkiya futbol federatsiyasi tartib-intizom qo’mitasi Superliganing 23-turida o’rin olgan “Galatasaroy”ga qarshi o’yinda “Adana Demirspor”ga 0:3 hisobida texnik mag’lubiyat yozdi. Bu haqda Fanatik xabar bermoqda.
Manbaga ko’ra, 13-fevral kuni qo’mita yig’ilishi bo’lib o’tdi va shundan so’ng jamoaga 0:3 hisobidagi mag’lubiyat yozildi, shuningdek, 3 ochko olib tashlandi.
Bundan tashqari, klub boshqaruv raisi Murat Sandzak 500 ming lira (taxminan 11,3 ming yevro) miqdorida jarimaga tortildi va 30 kunga diskvalifikatsiya qilindi.
Eslatib o’tamiz, Adana futbolchilari o’z darvozalariga belgilangan penaltidan norozi bo’lgani uchun 30-daqiqada maydonni tark etgandi. O’yin to’xtatilgan vaqtda istanbulliklar 1:0 hisobida oldinda borayotgandi.
