Faoliyatini yakunlagan braziliyalik Marselo kelajakdagi rejalari haqida gapirdi. U san’atning turli yo‘nalishlari bilan shug‘ullanish niyatida ekanini ma’lum qildi. Himoyachi 6-fevral kuni futboldan ketishini e’lon qilgan edi.
“Men kerakli hamma ishni qildim. Futboldan charchaganim yo‘q. Men oilam bilan ko‘proq vaqt o‘tkazishim kerak. Bolalarimni maktabga olib borishni, rafiqam bilan ko‘proq muloqot qilishni xohlayman. Endi boshqa ishlar uchun ko‘proq vaqtim bor”, – dedi Marselo.
Eslatib o’tamiz, Marselo 36 yoshida faoliyatini yakunladi. U “Real”, “Fluminense” va “Olimpiakos” jamoalarida to‘p tepgan. Braziliya terma jamoasi sharafini 12 yil davomida himoya qilgan.
