“Manchester Siti” himoyachisi Yoshko Gvardiol YChL doirasida “Bryugge”ga qarshi bahs oldidan matbuot anjumanida ishtirok etdi va Abduqodir Husanov haqida ham iliq fikrlarni bildirib o’tdi.
“Abduqodir yaxshi yigit. Garchi men u bilan ko’p gaplashmagan bo’lsam ham, u yaxshi futbolchiga o’xshaydi. Husanov debyut o’yinida juda ajoyib o’ynadi, bu oson emas edi. Ayniqsa, APL’da “Chelsi”ga qarshi birinchi uchrashuvini o’tkazish, juda qiyin hisoblanadi.
Yaxshi tomoni shundaki, u endigina 20 yoshga to’ldi. Nazarimda, Abduqodir “shaharliklar” safida uzoq vaqt harakat qilib, klubga yordam beradi.
Shuni ham ta’kidlashim kerak, biz uni qo’llab-quvvatlash uchun har doim shu yerdamiz. Agarda unga biror yordam kerak bo’lsa, mendan yoki tajribali futbolchilardan so’rashi mumkin”, – deydi Gvardiol.
Eslatib o’tamiz, “Manchester Siti” YChL umumiy bosqichining so’nggi turida “Bryugge”ga qarshi pley-off yo’llanmasi uchun bahs olib boradi. Ushbu o’yinni Husanov kengaytirilgan tarkibdan joy olmagani sabab o’tkazib yuboradi.
