Madridning “Real” klubi vingeri Rodrigo saudiyaliklardan qiziqish bo’layotgani haqidagi xabarlarga izoh berdi.
Avvalroq OAV’da “Al-Hilol” braziliyalik futbolchiga 140 million yevro maosh taklif qilgani haqida xabarlar tarqalgandi.
“Men takliflar haqida ko’p narsa bilmayman, otam (agenti) bilishi kerak. Hozir Madridda juda baxtliman.
Men juda xursandman va bu yerda uzoq yillar davomida qolishni istayman. Klubda takliflar bor yoki yo’qligini bilmayman”, – deydi Rodrigo.
Ma’lumot uchun, braziliyalik futbolchi joriy mavsum barcha turnirlarda 31 ta o’yinda maydonga tushib, 12 ta gol urdi va 8 ta golli uzatmani amalga oshirdi. Uning Transfermarkt’dagi narxi 100 million yevroga baholanmoqda.
