Belarusning “Energetik-BGU” klubi sobiq bosh murabbiyi Aleksey Merkulov Abduqodir Husanovning “Manchester Siti”dagi debyut goli haqida fikr bildirdi.
“Futboldagi omadli tasodiflarni hech kim inkor etolmaydi. Bu yerda, fikrimcha, “Siti” gol urgan paytda Husanovning rolini kam yoki ortiqcha baholamaslik kerak. Agar to’p Abduqodirga tegmaganida darvozabon katta ehtimol bilan zarbani qaytargan bo’lardi.
Shunday qilib, rikoshet golga olib keldi. Umid qilamanki, bu gol Husanovning jamoada barqaror o’rin olish yo’lida yordam beradi”, – deydi Merkulov.
Eslatib o’tamiz, Angliya Kubogi 4-raundidan o’rin olgan bahsda “shaharliklar” “Leyton Orient” maydoniga safar qildi va 2:1 hisobida g’alaba qozondi.
Hamyurtimiz Abduqodir Husanov uchrashuvni zaxiradan boshlab, ikkinchi bo’limning dastlabki daqiqalarida maydonga tushdi va 56-daqiqada o’z hisobiga bitta gol yozdirib qo’ydi.
