Germaniya Bundesliganing 21-turida “Bayer” va “Volfsburg” o’zaro to’qnash keldi va yakunda tomonlar nursiz durangga imzo chekishdi (0:0).
Ushbu natija evaziga leverkuzenliklar milliy chempionat doirasida mehmondagi mag’lubiyatsiz seriyasini 27 ta o’yinga yetkazib olishdi. “Bayer” so’nggi bor 2022/2023-yilgi mavsumda safarda “Bohum”ga 0:3 hisobida imkoniyatni boy berib qo’ygandi.
Shu tariqa, leverkuzenliklar bosh murabbiyi Xabi Alonso Bundesliga murabbiylari orasida mehmondagi mag’lubiyatsiz seriya bo’yicha XXI asr rekordini o’rnatdi.
Ma’lumot uchun, ketma-ket 27 ta safar o’yinida mag’lub bo’lmagan birinchi murabbiy Udo Lattek hisoblanadi. Uning mag’lubiyatsiz seriyasi 1985-yildan 1992-yilgacha davom etgan. Bu vaqt davomida murabbiy ikki jamoani boshqargan: “Bavariya” (1983-1987) va “Shalke” (1992/1993- yilgi mavsum).
