Turkiyaning “Beshiktosh” klubi “Barselona” vingeri Ansu Fatini mavsum oxirigacha ijaraga olmoqchi. Bu haqda AS xabar bermoqda.
Manbaga ko’ra, ispaniyalik futbolchiga Mourinyo boshchiligidagi “Fenerbaxche” ham qiziqish bildirmoqda, biroq “Beshiktosh” futbolchining transferida yetakchilik qilmoqda.
Qayd etilishicha, Fati “Barselona”ni tark etishni istamayapti, ammo kataloniyaliklar vingerni taklifni qabul qilishga ko’ndirmoqchi.
Eslatib o’tamiz, Turkiyada qishki transferlar oynasi 11-fevral kuni yopiladi.
Ma’lumot uchun, 22 yoshli futbolchi 2020-yildan buyon “Barselona” safida o’ynab kelmoqda. Uning kataloniyaliklar bilan tuzgan amaldagi shartnomasini 2027-yilning yoziga qadar amal qiladi.
