Saudiya Arabistoni chempionatining 19-turidan o’rin olgan “An-Nassr” va “Al-Feyha” o’rtasidagi uchrashuv bo’lib o’tdi va unda riyodliklar 3:0 hisobida g’alaba qozondi.
Dastlab, 22-daqiqada “An-Nassr” safida debyutini nishonlagan Jon Dyuran hisobni ochdi. 72-daqiqada esa dublni rasmiylashtirdi.
Oradan ikki daqiqa o’tar-o’tmas Krishtianu Ronaldu o’yinga nuqta qo’ydi va o’z gollari hisobini 924 taga yetkazib oldi.
Hamyurtimiz Otabek Shukurov esa bahsni asosiy tarkibda boshlab, 80-daqiqada zaxiraga olindi. SofaScore nashri Shukurovni 6,7 ballga loyiq deb topdi.
Ma’lumot uchun, “An-Nassr” ushbu g’alabadan so’ng ochkolari hisobini 41 taga yetkazib olib, turnir jadvalida 3-o’ringa ko’tarilib oldi. “Al-Feyha” esa 16 ochko bilan 14-o’rinda bormoqda.
