“Manchester Siti” matbuot xizmati jamoaning yanvar oyidagi eng yaxshi futbolchisini e’lon qildi.
Unga ko’ra, “shaharliklar”ning hujumkor yarim himoyachisi Fil Foden ushbu nomga munosib deb topildi. Angliyalik futbolchi ushbu sovrin uchun kurashda Erling Holand va Kevin De Bruyneni ortda qoldirdi.
Foden o’tgan oyda “Manchester Siti”ning 7 ta o’yinida maydonga tushib, 6 ta gol urdi va 2 ta golli uzatmani amalga oshirdi.
Ma’lumot uchun, Pep Gvardiola jamoasi hozirda APL’ning 24-turidan so’ng jadvalda 5-o’rinni egallab turibdi. Klub so’nggi uchrashuvda “Arsenal”ga 5:1 hisobida mag’lub bo’ldi.
