23-fevral kuni Qozog’istonning Olma-Ota shahrida MMA bo’yicha Octagon 70 turniri bo’lib o’tadi.
Musobaqaning markaziy janggi yarim o’rta vazn toifasi chempioni Georgiy Kichigin va Shohasan Mirzamatov o’rtasidagi kechishi kerak edi. Biroq jangga bir necha kun qolganida Mirzamatov avtohalokatga uchradi va olgan tan jarohatlari sabab ushbu jang bekor qilindi.
Octagon League matbuot xizmati Shohasanning o’rnini kim egallashini ma’lum qildi. Unga ko’ra, 23-fevral kuni Kichiginga qarshi boshqa bir hamyurtimiz Saidotaxon Nuriddinov raqiblik qiladi.
Ma’lumot uchun, Saidotaxon professional MMA’da 7 ta jang o’tkazib, 6 ta g’alabaga erishgan. Kichigin hisobida esa 31 ta g’alaba va 10 ta mag’lubiyat bor.
