Braziliyalik hujumchi Neymar nega “Al-Hilol”ni tark etib, “Santos”ga o’tganini tushuntirdi.
“Qaytish kerakligiga qachon amin bo’ldim? Tan olaman, yanvar oyi boshida “Santos”ga qaytishni hayolimga ham keltirmagandim va “Al-Hilol”ni tark etishni ham rejalashtirmagandim. Oilam xursand edi, men esa o’ynash ishtiyoqiga to’la edim.
Ammo vaziyat o’zgardi va men qaror qabul qilishim kerak edi. Mashg’ulotlardagi holatimdan va kundalik hayotimdan ko’nglim to’lmay boshladi va bu mening ruhiyatimga salbiy ta’sir qildi.
Qaytish imkoniyati yuzaga keldi va men hech ikkilanmay buni qabul qildim. Dadamga “Santos”ga qaytishni xohlayotganimni aytdim va hammasi yaxshi o’tdi. Hamma baxtli. Men yangi kuch bilan qaytdim”, – deydi Neymar.
Eslatib o’tamiz, Neymar “Santos” klubi tarbiyalanuvchisi hisoblanadi va 2009-yildan 2013-yilgacha ushbu jamoa tarkibida to’p surgan.
