“Manchester Siti” bosh murabbiyi Pep Gvardiola jamoadagi ayrim futbolchilarning yoshidan nolidi. Ispaniyalik mutaxassis “Liverpul”, “Arsenal” va “Nyukasl” kabi raqiblarga qarshi o’ynashdan qo’rqishini ham alohida ta’kidladi.
“Bizda yoshi katta futbolchilar bor. De Bruyne 34 yoshda, Gyundogan 33 yoshda. Kovachich ham bor. Bizda bu yigitlarga o’rinbosarlar yo’q, shuning uchun ular ko’p o’ynashadi.
Albatta, Gyundogan, Kovachich va Kevinning sa’y-harakatlari uchun juda minnatdormiz. Ammo “Nyukasl”, “Liverpul”, “Arsenal”, “Aston Villa” va “Brayton”ga qarshi o’ynashdan biroz qo’rqaman. Bu jamoalar bizga qaraganda ancha yaxshi”, – deydi Gvardiola.
Eslatib o’tamiz, “Manchester Siti” YChL umumiy bosqichining so’nggi turida “Bryugge”ni 3:1 hisobida mag’lub etib, 22-o’rin bilan pley-off bosqichiga yo’llanma oldi. Ushbu bosqichda Pep Gvardiola shogirdlari “Real” yoki “Bavariya” bilan to’qnash keladi.
