Ispaniya terma jamoasi va Bilbaoning “Atletik” klubi vingeri Niko Uilyams faoliyatini APL’da davom ettirishi mumkin. Bu haqda Todofichajes xabar bermoqda.
Manbaga ko’ra, Londonning “Arsenal” klubi 22 yoshli futbolchini o’z safiga qo’shib olmoqchi. “Kanonirlar” Niko uchun tovon puli sifatida 60 million yevro to’lashga tayyor.
Qayd etilishicha, londonliklar joriy mavsum yakunida muzokaralarni boshlashni rejalashtirgan.
Ma’lumot uchun, Uilyams joriy mavsum La Ligada 19 ta o’yin o’tkazib, bitta gol urdi va 3 ta golli uzatmani amalga oshirdi. Uning bilbaoliklar bilan tuzgan amaldagi shartnomasi 2027-yilning yoziga qadar amal qiladi.
