Portugaliya terma jamoasi bosh murabbiyi Roberto Martines Krishtianu Ronalduning terma jamoadagi istiqboli haqida fikr bildirdi.
“Tanlash juda qulay. Krishtianu o’z klubida faol o’ynashda davom etmoqda va biz vaziyatni kuzatib boryapmiz. U bizning sardorimiz. Uning jismoniy xususiyatlari juda yaxshi.
Ronaldu o’n yil oldingi futbolchi emas. Endi u ko’proq tajribaga ega. Uning yoshi haqida gapirib bo’lmaydi.
Krishtianuning tajribasi juda muhim, chunki u yosh futbolchilarga yordam bera oladi. Biz Ronalduga boshqa futbolchilar kabi baho beramiz. Ko’p jihatdan u Portugaliya futbolidagi eng yaxshi hujumchi”, – deydi Martines.
Ma’lumot uchun, Portugaliya terma jamoasi 5-sentyabr kuni Millatlar Ligasi doirasida Xorvatiyaga qarshi bahs olib boradi. 8-sentyabr kuni esa Shotlandiyaga qarshi maydonga tushadi.
