Taniqli murabbiy Pedro Moreyra Toshkentning “Paxtakor” klubiga bosh murabbiy etib tayinlandi. Bu haqda AllSport24.uz manbasi xabar berdi.
Mozambikda tavallud topgan portugaliyalik taniqli murabbiy Pedro Moreyra “Paxtakor” klubida bosh murabbiy sifatida ish boshlaydi. U joriy mavsumda jamoani boshqargan “Paxtakor”ning sobiq futbolchisi Maksim Shatskix o‘rnini egallamoqda. Moreyraga yangi jamoasida Joze Borjes, Marko Leychi va Rikardo Vasonlar yordam beradi.
Ma’lumot uchun, 49 yoshli Pedro Moreyra murabbiylik faoliyatini 2009-yilda Portugaliyaning “Sporting” klubida yoshlar jamoasi bosh murabbiyi sifatida boshlagan.
Shuningdek, u Portugaliyaning “Portu” va “Braga”, Ukrainaning “Shaxtyor” hamda Italiyaning “Roma” kabi jamoalarida yordamchi murabbiy sifatida ishlagan.
Maksim Shatskix esa “Paxtakor” bosh murabbiyligidan ketgan bo‘lsada, jamoa murabbiylar shtabida ishlashda davom etadi.
