Italiyalik mutaxassis, Madridning “Real” klubi bosh murabbiyi Karlo Anchelotti joriy mavsum yakunida jamoani tark etadi. Bu haqda Onda Cero xabar bermoqda.
Manbaga ko’ra, Anchelotti ketishga qat’iy qaror qilgan. Mutaxassis “Real” mavsumni sovrinlar bilan yakunlagan taqdirda ham qolmoqchi emas.
Ma’lumot uchun, Anchelottining “Qirollik klubi” bilan tuzgan amaldagi shartnomasi 2026-yilning yoziga qadar mo’ljallangan.
Eslatib o’tamiz, Karlo faoliyati davomida “Milan”, “Chelsi”, “Everton” va boshqa Yevropa jamoalarini ham boshqargan.
