Yarim og’ir vazn toifasida o’zbekistonlik UFC jangchisi Bogdan Guskov UFC 311 turnirida Billi Elekanani mag’lub etganidan so’ng bugungi jang haqida o’z fikrlarini bildirib o’tdi.
“Billi jangga kam vaqt qolganida jangni qabul qildi, tayyorlanishga vaqt kam edi. Barcha tayyorgarlikni Jonni (Uoker) uchun o’tkazdim. Men o’ng qo’lini ko’p ishga soladigan stoyka egasiga qarshi tayyorlanayotgan edim, ammo barchasi o’zgarib ketdi.
Birinchi raundda burchagimdagilar o’rningda tur deyayotgandi, lekin men Billi parterdagi nazorat uchun ko’p kuch sarflayotganini bilardim, men unga biroz ishlashga imkon berdim, u toliqdi, keyin esa men o’z ishimni qildim.
Navbatdagisi kim? Men kim bilan bo’lsa ham jang qilishga tayyorman, UFC menga kimni bersa, kutaman”, – deydi Guskov.
Eslatib o’tamiz, aslida Guskov UFC 311 turnirida Jonni Uokerga qarshi oktagonga ko’tarilishi kerak edi, biroq Uoker jarohati sabab jangdan chiqdi
