“Manchester Siti” yarim himoyachisi va 2024-yilgi “Oltin to’p” sohibi Rodri Lionel Messini tarixdagi eng yaxshi futbolchi deb atadi.
“Hech qanday shubham yo’q, bu Messi. Krishtianu hech qanday tabiiy iqtidorsiz Messiga tenglasha oldi. Ammo ularga qarshi o’ynaganlar o’rtadagi farqni tushunishadi.
Biz Krishtianuning jarima maydonchasiga kirishini xohlamasdik, chunki bu o’limga olib kelardi. Lekin Messi har doim jarima maydonchasiga kirib ketardi va bizga ko’proq muammolar chiqarardi. Messi to’pni qabul qilganida siz beixtiyor: “Xavf”, deysiz.
Messiga qarshi o’ynay boshlaganimda, undan to’pni olib qo’yishga harakat qilardim, ammo u doim mendan o’zib ketardi”, – deydi Rodri.
