Madridning “Real” klubi sobiq hujumchisi Antonio Kassano “Barselona”ga bo’lgan muhabbati haqida gapirdi.
“Men “Real”da o’ynaganman, “Barselona”da o’ynash imkonim bo’lmagan. Lekin men “Barselona”ga muxlislik qilaman va hali ham bu klubni yaxshi ko’raman.
Meni eng aqldan ozdiradigan narsa bu “Barsa”ning o’yin uslubi: ular nafaqat g’alabalar, balki futboldan qanday zavq olish haqida ham o’ylashadi.
To’pga egalik qilish, hujumkor o’yin, boshqa hech bir jamoa bunday qila olmaydi. “Barsa” har bir ishga dadil yondashadi, ular hech narsadan qo’rqmaydi”, – deydi Kassano.
Ma’lumot uchun, Kassano 2006-yildan 2008-yilgacha “Real” safida to’p surgan. Bu davr ichida u barcha turnirlarda 29 ta uchrashuvda maydonga tushib, 4 ta golga mualliflik qilgan.
