Og’ir vazn toifasida sobiq jahon chempioni, britaniyalik bokschi Tayson Fyuri faoliyatini yakunlaganini e’lon qildi. Bu haqda u ijtimoiy tarmoqlarda xabar berdi.
“Hammaga salom, men buni qisqa va lo’nda qilib tushuntiraman. Men boksdagi faoliyatimni yakunlaganimni e’lon qilmoqchiman. Bu ajoyib edi, men har bir daqiqani yaxshi ko’rardim. Men buni shu yerda tugatmoqchiman”, – deydi Fyuri.
Ma’lumot uchun, 36 yoshli og’ir vaznli bokschi professional faoliyati davomida 37 ta jangda ishtirok etgan va ularning 34 tasida g’alaba qozongan, 2 tasida mag’lub bo’lgan va bitta jang durang bilan yakunlangan.
