Qozog’istonning Astana shahrida start olgan prof boks oqshomi doirasida yarim yengil vazn toifasidagi o’zbekistonlik bokschi Otabek Xolmatov ringga ko’tarildi.
27 yoshli hamyurtimizga filippinlik Jeyson Kanoy Manigos raqiblik qildi.
8 raundga mo’ljallangan jang so’nggi raundgacha davom etdi. Xolmatov 8-raundda raqibini nokautga uchratdi.
Ta’kidlash joiz, hamyurtimiz jang davomida to’liq ustunlik qildi va raqibini bir necha bor nokdaun holatiga tushirdi.
Shu tariqa, Otabek Xolmatov 13-g’alabasini qo’lga kiritdi. Vakilimiz o’zining so’nggi jangida Raymond Fordga imkoniyatni boy bergandi.
