Suriyaning Aleppo shahrida mamlakatning eng yirik stadioni yonib ketdi. Bu haqda Al-Vatan nashri xabar berdi.
Manbaga ko’ra, yong’inga qisqa tutashuv sabab bo’lgan. Suriya fuqarolik mudofaasi yong’inni o’chirishga muvaffaq bo’lgan.
Ma’lumot uchun, “Aleppo” xalqaro stadioni 2007-yilda qurilgan. U 75 ming tomoshabinni o’z bag’riga sig’dira oladi.
2011-yilgacha mahalliy “Al-Ittihod” klubi o’z uy uchrashuvlarini shu yerda o’tkazgan, Suriya terma jamoasi ham o’z o’yinlarida ushbu stadiondan foydalangan.
