Xabaringiz bor, Arman Sarukyan vazn tashlash jarayonida olgan jarohati sabab UFC 311 turniri doirasida Islam Maxachevga qarshi jangdan “yechilgandi”.
Shundan so’ng, promoushen qisqa muddatda Renato Moykanoni Maxachevga yangi raqib sifatida berdi.
Aslida Moykano UFC 311 turnirida Benil Dariushga qarshi oktagonga ko’tarilishi kerak edi. Biroq tashkilotchilar markaziy jangni saqlab qolish maqsadida Dariushni qurbon qilishdi.
Arman Sarukyan esa bo’lib o’tgan voqealarga o’z munosabatini bildirdi.
“Afsus bilan shuni ma’lum qilamanki, vazn tashlash jarayonida olgan jarohatim sabab UFC 311 turnirida ishtirok eta olmayman. Ha, shunday bo’lib qoldi. Bu faoliyatimdagi eng qiyin qaror bo’ldi.
Meni tushungani uchun promoushen rahbarlariga minnatdorchilik bildiraman. Sabrsizlik bilan keyingi chempionlik imkoniyati taqdim etilishini kutaman”, – deydi Sarukyan.
