Ispaniya Qirollik futbol federatsiyasi tartib-intizom qo’mitasi La Liganing 17-turida “Rayo Valekano”ga qarshi o’yinda “Real” vingeri Vinisius Junior bilan bog’liq shov-shuvli epizodni ko’rib chiqadi. Bu haqda Marca xabar bermoqda.
Uchrashuv 3:3 hisobida durang bilan yakunlandi. O’yin so’nggida raqib jamoa muxlislarining norozi hayqiriqlarini eshitgan Vinisius ularga ikkinchi divizionga tushib ketishiga shama qilgan ishorasini ko’rsatdi.
Manbaga ko’ra, La Liga vakillari tartib-intizom qo’mitasiga futbolchining xatti-harakatlarini ham, “Rayo Valekano” muxlislarining hayqiriqlarini ham ko’rib chiqishni so’rab xat yo’llagan.
Ma’lumot uchun, “Real” hozirda La Liga turnir jadvalida 37 ochko bilan uchinchi o’rinda, “Rayo Valekano” esa 20 ochko bilan 13-o’rinda bormoqda.
