Madridning “Real” klubi va Braziliya terma jamoasi sobiq hujumchisi Ronaldo huquqlari “Chelsi”ga tegishli bo’lgan “Palmeyras”ning 17 yoshli hujumchisi Estevao Villian haqida o’z fikrlarini bildirdi.
Eslatib o’tamiz, Villian 2025-yilning yozida “aristokratlar” safiga kelib qo’shiladi.
“U yosh va juda iqtidorli futbolchi. U Lamin Yamalga o’xshaydi. U tez orada futbolning juda katta yulduziga aylanadi. Uning kelajagi porloq va endigina 17 yoshda.
O’ylashimcha, u klublar o’rtasidagi Jahon chempionatida “Palmeyras” safida o’ynaydi, keyin esa “Chelsi”ga o’tadi”, – deydi Ronaldo.
Ma’lumot uchun, Estevao Villian Braziliyaning “Kruzeyro” klubi tarbiyalanuvchisi hisoblanadi. U joriy mavsum “Palmeyras” safida jami 49 ta o’yinda maydonga tushib, 19 ta gol urdi va 12 ta golli uzatmani amalga oshirdi. Uning Transfermarkt’dagi narxi 40 million yevroga baholanmoqda.
