“Manchester Yunayted” Angliya Premyer-ligasining 13-turidan o’rin olgan “Everton”ga (4:0) qarshi o’yin oldidan LGBT’ni qo’llab-quvvatlovchi liboslarda maydonga chiqishi rejalashtirilgandi.
The Athletic xabariga ko’ra, jamoaning marokashlik himoyachisi Nussar Mazraui ushbu harakatlarni islom qadriyatlariga zid ekanligini aytib, bu libosni kiyishdan bosh tortgan. Shundan so’ng, butun jamoa bunday kiyimlarni kiymaslikka qaror qilgan.
“Manchester Yunayted” jamiyatning barcha qatlamlaridagi muxlislarni qabul qiladi va biz xilma-xillikka qattiq intilamiz. Biz ushbu tamoyillarni bir qator tadbirlarda namoyish etamiz.
O’yinchilar o’z fikriga ega bo’lish huquqiga ega, ayniqsa ularning e’tiqodi bo’yicha. Ba’zida bu klub pozitsiyasidan farq qilishi mumkin”, – deyiladi klub bayonotida.
Eslatib o’tamiz, Mazraui o’tgan mavsumda Isroilga qarshi pozitsiyasi sabab Germaniyada tanqidlarga uchragandi. Yakunda “Bavariya”ning umumiy mashg’ulotlaridan chetlatilib, yozda “Manchester Yunayted”ga sotib yuborilgandi.
