“Liverpul” bosh murabbiyi Anre Slot jamoaning qishki transferlar oynasidagi rejalari haqida gapirdi.
Gollandiyalik mutaxassis agar imkoniyat yuzaga kelsa, futbolchi xarid qilish uchun harakat qilishiga shama qildi.
“Biz bu masalani doimo muhokama qilamiz, transfer oynasi ochiq bo’lsa ham, yopiq bo’lsa ham. To’g’ri, hozir jarohatlar sabab uch nafar himoyachimiz yetishmayotganidan xavotirdaman. Ammo qishki transferlar oynasi ochilguniga qadar ular safga qaytishadi.
Tarkibimizdan mamnunman. Vaholanki, bu klub imkon berilsa, nimalar qila olishini bir necha bor isbotlagan. “Liverpul” doim shunday qiladi”, – deydi Slot.
Ma’lumot uchun, “Liverpul” joriy mavsum APL’da yakka peshqadamlik qilmoqda. Klubning ikkinchi o’rindagi “Arsenal” bilan o’rtadagi tafovut 9 ochkoni tashkil qiladi.
