Londonning “Chelsi” klubi ukrainalik vinger Mixail Mudrikning kelajagi borasida bir qarorga keldi.
Jurnalist Ben Jeykobsning xabariga ko’ra, Mudrik yanvar oyida jamoani tark etmaydi. Uning mavsum o’rtasida “Chelsi”ni tark etishi uchun hech qanday imkoniyat yo’q.
Qayd etilishicha, “aristokratlar” Mudrikni qo’llab-quvvatlashda davom etmoqchi va uning transferi uchun hech qanday variant qidirmayapti.
Eslatib o’tamiz, avvalroq ukrainalik futbolchiga “Vest Hem”, “Aston Villa” va “Marsel” klublari qiziqish bildirayotgani haqida xabar qilingandi.
Ma’lumot uchun, Mudrik joriy mavsum klub safida jami 16 ta o’yinda maydonga tushib, 3 ta gol urdi va 4 ta golli uzatmani amalga oshirdi. Uning Transfermarkt’dagi narxi 30 million yevroga baholanmoqda.
