“Manchester Siti” futbolchilari YChL 5-turi doirasidagi “Feyenord”ga qarshi o’yindan so’ng (3:3), kiyinish xonasida janjal ko’tarishgan va xonadagi narsalarni uloqtirishgan. Bu haqda Daily Mail xabar bermoqda.
Manbaga ko’ra, “shaharliklar” bosh murabbiyi Pep Gvardiola o’yin yakunlanganidan so’ng kiyinish xonasiga yo’l olayotganida sarosimaga tushib qolgan.
Shuningdek, mutaxassis o’yin tugaganidan keyin o’z kabinetida qolib, u yerda uzoq vaqt davomida sodir bo’lgan voqealarni tahlil qilgan.
Ma’lumot uchun, “Manchester Siti” YChL umumiy bosqichining 5-turidan so’ng 9 ochko jamg’argan holda turnir jadvalida 17-o’rinda bormoqda.
