Yengil vazn toifasida UFC jangchisi Arman Sarukyan divizionning amaldagi chempioni Islam Maxachevga qarshi chempionlik janggidan so’ng o’z rejalari haqida gapirdi.
OAV ma’lumotlariga ko’ra, Maxachev va Sarukyan 18-yanvar kuni Los-Anjelosda tashkil etiladigan UFC 311 turnirida chempionlik kamari uchun oktagonga ko’tarilishadi.
– Agar chempion bo’lsangiz, Charlz Oliveyraga qarshi revansh janggini o’tkazasizmi?
– Albatta, tayyorman. Men har qanday raqibga tayyorman. Oliveyra divizionimizning eng yaxshilaridan biri. Islam, Charlz va men dunyoning eng yaxshi 3 ta yengil vaznli jangchilarimiz.
Men hamma bilan kurashishga tayyorman. Ammo chempion bo’lganimda kamarni Charlzga qarshi himoya qilishni xohlardim, – deydi Sarukyan.
Eslatib o’tamiz, aprel oyida Las-Vegasda bo’lib o’tgan UFC 300 turnirida Arman Oliveyrani hakamlarning bo’lingan qarori evaziga mag’lub etgandi.
