“Inter Mayami” klubi hujumchisi Lionel Messining mumsimon haykali Londondagi mashhur “Madam Tyusso” muzeyining Orlando (AQSh) shahrida joylashgan filialida paydo bo’ldi.
Unda Messi “Inter Mayami” libosida jilmayib, qo’llarini osmonga ko’targan holda tasvirlangan.
Eslatib o’tamiz, 37 yoshli Messi professional futbolchilik faoliyatini “Barselona”da boshlagan. U kataloniyaliklar bilan 10 marta Ispaniya chempionligi, 8 marta Ispaniya Superkubogi, 4 marta UEFA Chempionlar ligasi va 3 marta klublar o’rtasidagi Jahon chempionatida g’olib chiqqan.
