Og’ir vazn toifasida amaldagi UFC chempioni Jon Jons britaniyalik jangchi Tom Aspinall haqida fikr bildirdi.
Uning fikricha, Aspinall doimiy ravishda janglarda g’alaba qozona olmaydi.
“Albatta, keyingi yil ham meni qo’rqoq deb ayting. Oxir oqibat, Tom keyingi ikki yoki uchta jangda mag’lub bo’ladi va mening merosim MMA’dagi eng buyugi bo’ladi. Hikoyaning oxiri”, – deydi Jons o’zining X sahifasida.
Eslatib o’tamiz, Jon Jons o’zining so’nggi janggini UFC 309 turnirida Stipe Miochichga qarshi o’tkazgan va texnik nokaut evaziga g’alaba qozongan.
Tom Aspinall esa o’zining oxirgi janggini UFC 304 turnirida Kertis Bleydesga qarshi o’tkazgan va nokaut evaziga zafar quchgan.
