Afsonaviy UFC jangchilaridan biri hisoblangan Demetrius Jonson MMA’dagi faoliyatini yakunlaganini e’lon qildi.
Shundan so’ng, ko’plab jangchilar va MMA olami vakillari “Mighty Mouse”ning qo’lqoplarini osib qo’yganiga munosabat bildira boshlashdi.
Terens Makkenni: Qanday afsona, Mouse!
Ben Folks: Haqiqatdan ham tarixdagi eng buyuk, ammo kam baholangan iste’dodlardan biri.
Eve Edvards: Bu rasman MMA uchun davrning oxiri! “Mighty Mouse” nafaqaga chiqdi… Demetriusga hurmat bajo keltiraman. Siz butun avlod uchun zamonaviy Bryus Lisiz!
Takeya Mizugaki: Sportga qo’shgan hissangiz uchun rahmat! Xuddi shu avloddan bo’lgan yana bir chempion yolg’iz bo’ladi.
Maykl Bisping: Afsona! “Mighty Mouse”, siz aqlbovar qilmaydigan martabaga erishdingiz. Nafaqadan rohat oling.
Ma’lumot uchun, Demetrius Jonson UFC’da ketma-ket 11 ta jangda chempionlik unvonini munosib himoya qilgan.
Biroq Jonson o’n ikkinchi himoya janggida Genri Sexudoga qarshi 5 raund davom etgan jangda hakamlarning bo’lingan qarori bilan mag’lub bo’lgan.
