Og’ir vazn toifasida WBA, WBO, WBC va IBO kamarlari sohibi Aleksandr Usik va sobiq chempion Tayson Fyuri o’rtasidagi revansh janggi uchun kafolatlangan gonorarlar miqdori ma’lum bo’ldi.
The Sportster xabariga ko’ra, revansh janggining umumiy mukofoti 190 million dollarni tashkil qiladi.
Qayd etilishicha, mablag’ Usikning foydasiga 60% dan 40% gacha bo’lgan nisbatda taqsimlanadi. Bundan ko’rinadiki, Usik 114 million dollarni, Fyuri esa 76 million dollarni qo’lga kiritadi.
Ma’lumot uchun, Usik – Fyuri 2 janggi 21-dekabrdan 22-dekabrga o’tar kechasi Ar-Riyodda bo’lib o’tadi.
