Superog’ir vazn toifasidagi o’zbekistonlik bokschi Bahodir Jalolovning navbatdagi raqibi va jang sanasi ma’lum bo’ldi. Bu haqda Top Rank promouterlik kompaniyasi xabar berdi.
Unga ko’ra, 30 yoshli hamyurtimiz 27-iyul kuni AQSh’ning Nyu-York shahridagi “Medison Skver Garden” arenasida tashkil etiladigan professional boks oqshomida ringga ko’tariladi. O’sha kuni Jalolovga italiyalik Janmarko Kardilo raqiblik qiladi.
Ma’lumot uchun, “Big Uzbek” professional faoliyati davomida 15 ta jang o’tkazib, ularning barchasida g’alaba qozongan. Janmarko Kardilo hisobida esa 12 ta g’alaba, 1 mag’lubiyat va 2 ta durang bor.
