Ispaniyalik Yevropa va Jahon chempioni Serxio Ramos o’zining sobiq jamoasi “Real Madrid”ga qaytish istagini bildirdi. Bu haqda Marca xabar bermoqda.
Manbaga ko’ra, “Qirollik klubi” bosh murabbiyi Karlo Anchelotti markaziy himoyachilarning ko’p sonli jarohatlari sabab Ramosning qaytishiga qarshi emas, biroq klub prezidenti Florentino Peres bunga qat’iyan qarshi chiqmoqda.
Eslatib o’tamiz, Ramos iyul oyi boshida “Sevilya”ni tark etib, erkin agentga aylangandi. Himoyachi o’tgan mavsum klub safida barcha turnirlarda 37 ta o’yinda maydonga tushib, 7 ta gol va bitta golli uzatmani amalga oshirgan.
