Myunxenning “Bavariya” klubi hujumkor yarim himoyachisi Jamal Musiala muxlislar talqiniga ko’ra Germaniya terma jamoasida yilning eng yaxshi futbolchisi deb topildi. Bu haqda Germaniya futbol assotsiatsiyasi matbuot xizmati xabar berdi.
Manbaga ko’ra, 21 yoshli futbolchi 56 foiz ovoz to’plab, faoliyatida ikkinchi bor yilning eng yaxshi o’yinchisi bo’ldi.
Ovoz berish yakunlariga ko’ra, ikkinchi o’rinni Florian Virts (38 fozi), uchinchi o’rinni Kay Xaverts (6 foiz) egalladi. Ovoz berish jarayonida 145 ming muxlis ishtirok etdi.
Ma’lumot uchun, Musiala Yevro-2024’da 5 ta o’yin o’tkazib, 3 ta golga mualliflik qildi. Shuningdek, Millatlar Ligasining 4 ta o’yinida 2 ta gol urdi va 3 ta golli uzatmani amalga oshirdi.
